အပြန်အလှန်သွင်းဂိုးတွေနဲ့ ဂိုးအပေါ်ဝင်မယ်
Diamond Seven – Tipster
ယခုတစ်ပတ်စနေညရဲ့အကြိုက်ဆုံးအပိုင်တစ်ကွက်ကိုအက်ဖ်အေဖလား၊ ကွာတားဖိုင်နယ်ပွဲစဉ်ဖြစ်တဲ့မန်စီးတီး-လီဗာပူးပွဲကနေ ရွေးချယ်ပေးချင်ပါတယ်။
မန်စီးတီး
ချန်ပီယံလိဂ်ကနေထွက်ခဲ့ရပေမယ့်ကာရာဘောင်းလိဂ်ဖလားမှာအာဆင်နယ်ကိုအနိုင်ရယူပြီးဗိုလ်စွဲထားခဲ့တာမို့ မန်စီးတီးယုံကြည်မှုပုံစံကောင်းရနေမှာပါ။ ပြည်တွင်းဖလား၃လုံးကိုအရယူဖို့ နည်းပြဂွါဒီယိုလာနဲ့မန်စီးတီးကစားသမားတွေလည်းအထူးပစ်မှတ်ထားကစားလာပါတယ်။ ဟာလန်း၊ ဆီမီညိုနဲ့ ချာကီတို့ရဲ့တိုက်စစ်ကလည်း အိမ်ကွင်းဆို ပုံစံကောင်းပြသပြီး ဂိုးသွင်းခြေအပြည့်
ရှိတာမို့ လီဗာပူးခံစစ်ကို ဖိအားပေးကစားနိုင်မှာ သေချာပါတယ်။ ဒါပေမဲ့ ခူဆာနော့၊ဂွီဟီတို့ရဲ့ ခံစစ်ပိုင်းကတော့ အတွဲမမိသေးတာမို့ ဆာလက်တို့ တိုက်စစ်ကို ခက်ခက်ခဲခဲ တားဆီးရနိုင်ပါတယ်။
လီဗာပူး
လီဗာပူးကလည်းချန်ပီယံလိဂ်နဲ့ အက်ဖ်အေဖလား ၂လုံး ပစ်မှတ်ရှိနေပေမယ့် အဖြစ်နိုင်ဆုံး အခုအက်ဖ်အေဖလားကို ပိုအာရုံစိုက်ကစားမှာ သေချာပါတယ်။ဆာလက်၊ ဂတ်ပို၊ ဖလော်ရီယန်ဝစ်ဇ်၊ ဆိုဘော့ဇလိုင်တို့လို ဂိုးသွင်းခြေစွမ်းကောင်းသူတွေရှိနေတာမို့ တိုက်စစ်အားကလည်း ကျသွားဖွယ်မရှိပါဘူး။ ဒါပေမဲ့ဗန်ဒိုက်တို့ခံစစ်ကတော့ ဒီရာသီ ဂိုးပေးနှုန်းများနေပြီးအသင်းကြီးတွေနဲ့ တွေ့ဆုံတဲ့ပွဲတွေဆိုရင်လည်းဂိုးမပေးရတာကခပ်ရှားရှားပါပဲ။
ခန့်မှန်းချက်
မန်စီးတီးက ၁+၇၀၊ ဂိုးပေါင်း ၃-၁၀ကြေးဖွင့်ထားပါတယ်။ အခုကွာတားပွဲစဉ်တွေက တစ်ပွဲတည်းအပြီးကစားကြမှာဖြစ်ပြီး သရေကျရင်ပင်နယ်တီအဆုံးအဖြတ်ခံယူကြရမှာပါ။ ဒါကြောင့်တစ်သင်းဂိုးပေးလိုက်ရတာနဲ့အပြိုင်ဖွင့်ကစားကြမှာမို့ ဂိုးထွက်ပေါ်မှုတွေများနိုင်ပါတယ်။ အပြန်အလှန်သွင်းဂိုးတွေနဲ့ ဂိုးအပေါ်ဝင်မယ်လို့ သုံးသပ်မိပါတယ်။
